شرشور وفرفور وزعبور ........

مين ماسمع بشرشور وفرفور وزعبور انت طيب شرشور وفرفور وزعبور هم الشخصيات الشريرة بمسلسل الاطفال سنان طبعا الجميل بالشخصيات الثلاث ان كانت كل خدعهم مكشوفة وبالاخص لم كان ينزل الليل وببلش عمل هالثلاثي الارهابي طبعا يدخلوا متنكرين ويا حبيبي على هيك تنكر وطبعا واحنا صغار كنا دايما عارفين من هم الحرامية الثلاث بس للاسف ما كنا قادرين نحكي لسنان ان زعبور وشرشور وفرفور وكان طول الحلقة حايص هون وهون للم يعرف مين الحرامي بكل حلقة ماكنا نقدر نحكي ولانقدر نعمل لشرشور وفرفور وزعبور اي شي على الرغم انهم واضحين وضوح الشمس وكبرنا وكبر معنا سنان والثلاثي الشرير ولكن للاسف هالمرة شرشور وزعبور وفرفور وسع نشاطهم كثير فبطل يسرق من سنان والدكتور والقرية بس وبطل بمكان واحد صار بكل مكان يسرق من جيوب هالغلابا والمساكين  ومش بالليل ومتخفيين بعز النهار والمشكلة ان واحنا عارفينهم مش قادرين لليوم نعمل اي شي بعد  ماشدوا ظهرهم وسندوا حالهم وصاروا هم الامر والناهي وهم كل شي بهالزمان وعلى فكرة وين ماتروح رح تلقى شرشور وزعبور وفرفور بالمدرسة الولد القوي الي الكل شايف وخايف  وديوان الحي وبالبيت وبمؤساستنا الحكومية ومخافرنا ومستشفياتنا  راح تلقى واحد منهم وووووو لهون كفاية .........